ديمة عابدين

ديمة عابدين

عمان . منذ يونيو 2010
83 من المراجعات
الأماكن المضافة
32
مراجعاتي
83
أماكن فضّلتها
12

مراجعاتي

  • Review by ديمة of مخابز الرابية
    قبل 9 سنوات
    القطايف عندو كتير زاكي وكل يوم بيوم بعملو طازة واسعارو كتير معقولة بيفتح من الصبح لقبل الفطور بساعة بنصح الكل يجربوه وبالذات العصافيري هو بيعمل القطايف بنجنب المحل مش بنفس المحل جوة
  • Review by ديمة of ايدبل ارينجمنتس
    قبل 9 سنوات
    مكان رائع تشكيلاتو رهيبة والي بشتغلوا فيه لطيفين كتير
    كتير دقيقين بمواعيدهم اسعارهم مرتفعة يعني مو هدية لكل يوم هي شي تغيير عن العادي بس لما الواحد يطلع انها فواكة بقول غالية بس بتستاهل بتفاجئ الشخص المعني كتير بشجع الكل يجربوه على فكرة بتقدروا تطلبوا ديليفري يعني مو ضروري تروحوا لعندهم
  • Review by ديمة of فرانكفورتر
    قبل 9 سنوات
    كتير نظيف وكتير زاكي
    الصفة عندو شوي صعبة بس بتقدر تصف عند كبس اند كيلوز وتمشيلو ما بدها شي الاسعار كتير مناسبة يعني السندويشة بتشبع بدينارين والبطاطا بدينار فرش لانو بعملو قدامك الهوت دوج وهو متخصص فيه بنصح الكل يجربوه بس ما تروحوا وانتو مستعجلين بدو شي تلت ساعة ليجهز
  • Review by ديمة of فريز كريمري
    قبل 9 سنوات
    هو محل جديد والبوظة عندو زاكية، مش مميزة بس منيحة يعني جيرارد وجستي انا حسيتهم ازكى.
    سعرو مناسب جدا وطبيعي والصفة عنو سهلة لانو بجنبو في موقف وفي حديقة تبعت بنك الاسكان كمان سهل الصفة فيها بيعطي إي بوينت وبنصح الكل يجربوه
  • Review by ديمة of بي إتش إس
    قبل 9 سنوات
    ملابس رائعة ودائما عندو كل شي جديد عملي ورسمي وانا اغلب الاوقات ما بشتري الا من عندهم
    جودة رائعة واسعار مناسبة بالنسبة للجودة بنصح الكل يجربوه ما راح تخسروا
  • Review by ديمة of كازاريتشو
    قبل 9 سنوات
    رحت عليه يوم الخميس وكانت تجربة اكتر من رائعة
    الاصطفاف في فاليه الطعام رائع طلبنا كرات دجاج وللمين دش فوتوتشيني الفريدو وبيتزا وكلو كان ممتاز المشروبات اخدنا عصير وكمان كان مافي متلو بحب الخبز مع الزيت والزعتر الي بقدموه قبل الوجبة الاسعار كانت اكتر من معتدلة بصراحة توقعت اكتر من ما دفعت بكتير بس كان رائع السرعة منيحة لولا انهم نسيوا طلب من الطلبات بس عوضوها بحسن التعامل طبعا بتقدر تاخد to go او تطلب عن طريق room service بنصح الكل يروحو ويقعدوا عالترس عن جد تجربة حلوة وبتستاهل
  • Review by ديمة of جيرارد
    قبل 9 سنوات
    رائع بس عيبو انو الصفة عندو مستحيلة، يعني الواحد يا اما بصف بالمصفات الي بعيدة شوي وبمشي او بروح بتاكسي
    جربت عندو الاوريو والفراولة وال stawberry yogurt وما بندم ابداً كمان جربت الشوكلت فونتن وبنصح الي بحبو الشكولا يجربوها رائعة اسعارة بتسوى الخدمة بس يا ريت لو هالفرع يتوسع شوي
  • Review by ديمة of عطا علي
    قبل 9 سنوات
    مكان جميل، الكنافة الوصاة من عندو كتير زاكية والقطايف برمضان كمان رهيب عندو
    العمال كتير متعاونين والاسعار كتير معتدلة، بس الصفة عندو مرات كتير صعبة بتكون لانو بشميساني بشجع الكل يزوروه ويجربوه
  • Review by ديمة of فايف سنسيز
    قبل 9 سنوات
    المكان رائع، كل شي فيه منيح الخدمة والنظافة والمشروبات كلها زاكية
    مافي كحول وهو بالمول فالمواقف موفرة بسهولة ما حبيت الموزريلا ستيكس عندو باردين كانوا باقي الاكل زاكي كتير والسندويشات مميزة عندهم بشجع الكل يزوروه بس يحجزوا اذا يوم خميس
  • Review by ديمة of بابا جونز
    قبل 9 سنوات
    المكان رائع بصراحة، أكل ممتاز بس السلطة مو بزيادة وللأسف ما عندهم عصير، مافي الا بيبسي وانواعو وانا ما بحبو شربت مي
    الخدمة سريعة بالنسبة للعدد احنا كنا كتار واجى الاكل بسرعة نسبياً. بشجع الكل يطلب العجينة الرقيقة لانو جربت قبل هيك العادية مو بزيادة هاي أزكى
  • Review by ديمة of سالاد هاوس
    قبل 9 سنوات
    فكرتو حلوة بس مطبقة بطريقة مبالغ فيها
    يعني اروح وادفع حق السلاد بار وما بقدر الا اعبي الصحن مرة وحدة؟ انا من الناس الي ما بحب اشوف الصحن مليان بصير كتير غالي ومبالغ فيه بس بصراحة المحل نفسو ما عليه حكي نظيف وحلو ومرتب كتير بس هي قصة انو مرة وحدة هاي مش منطق
  • Review by ديمة of مكياجي
    قبل 9 سنوات
    محل رائع وكل شي فيه منيح والماركات الي بجيبها كتير ممتازة واسعارو مناسبة
    التعامل كمان منيح وبيعرفوا يكسبوا الزبون بشجع الكل يزوروه
  • Review by ديمة of الطازج
    قبل 9 سنوات
    جربتو امبارح وما حبيتو نهائياً من يوم ما فتح ما جربتو بس امبارح اول مرة بطلب منو واخر مرة
    السعر ماشي حالو يعني متل بقية المطاعم، بس الاكل مو زاكي، وكنت باكل وانا مو مطمئنة يعني في كتير غيرو ازكى واحسن والواحد بياكل بنفس التوصيل كان عالوقت متل ما طلبتو وهاد ايجابية فيه، والرز ماشي حالو مش بطال
  • Review by ديمة of بنك عودة
    قبل 9 سنوات
    رحت واجيت 20 مرة عشان قرض لابتوب وكل مرة يطلبوا ورقة شكل، ونفس الشي للفيزا كارد رحت واجيت وبالاخر قالولي انرفضت وبعد شهر اتصلوا فيي قال ليش ما اجيت استلمت البطاقة....مش عارفين الله وين حاطتهم هالبنك
  • Review by ديمة of بوكاديوس
    قبل 9 سنوات
    محل رائع والاكل فيه كتير لذيذ والي بشتغلوا كتير لطيفين، وازكى شي الدجاج الايطالي والفوتوتشيني
    اسعارو عادية متل باقي المحلات مو مبالغ فيه وفي مكان للاصطفاف بجنب المحل ما بتتغلبوا فيه بنصح الكل يزوروه
  • Review by ديمة of شاهناز
    قبل 9 سنوات
    سعره معتدل والاكل عنه لذيذ مرررررررررة وحتى الايطالي عندو كمان لذيذ جدا والجو رائع ونظيف جدا انصح الجميع يجربوه بصراحة يسوى سعره ١٠٠٪ وفي مكان للاصطفاف
  • Review by ديمة of دومينوز بيتزا
    قبل 9 سنوات
    مطعم منافس لكثير من مطاعم البيتزا الشهيرة . * خدمة إيصال الطلبات للمنازل جداً سيئة . * جودة الطعام جيّدة نوعاً ما ومتميزة في بعضها . * اختيارك لوجبتك المفضلة بالمطعم قد يكون سبب عودتك له وزيارته أمّا لو اخترت وجبة عشوائية قد تكون سبباً في عدم عودتك له وهذا حال الكثير من الناس ، فاختيار الطعام المناسب لك يلعب دوراً كبيراً خاصة مع تنوّع قائمة الطعام لديهم .
    +1
  • Review by ديمة of باستيش كافيه
    قبل 9 سنوات
    محل ممتاز وقعدتو كتير حلوة واسعارو مناسبة كتير.
    كمان عندهم مكان للاصطفاف والي بشتغلو بشوشين كتير دائماً مبتسمين ودمهم خفيف بنصح الكل يجربوه بس مش يوم خميس لانو بكون عجقة كتير عندهم
  • Review by ديمة of سيرف اند تيرف
    قبل 9 سنوات
    مكان ما عليه كلام كل شي عندو لذيذ من السلطات للاطباق الرئيسية وغيرها
    والنظافة عندو ممتازة والخدمة رائعة انصح كل واحد يزوره
  • Review by ديمة of الأفغاني
    قبل 9 سنوات
    المكان فيه تشكيلة حلوة وبيلتزموا بمواعيدهم ما بيمقلبوا واسعارهم معتدلة
    في مواقف للمحل مافي مشكلة بنصح الكل يزوروه ويشوفو التشكيلة الي عندو
  • Review by ديمة of ستديو ناتاشا
    قبل 9 سنوات
    ستديو ممتاز والمصور الرئيسي فيه احمد فنان وبحب شغلو
    اسعارهم معتدلة جدا بالنسبة لباقي المحلات وبيشتغل فوري وعادي انا بحب اكبر عندهم صور لانو براويزهم حلوة بالنسبة للصفة في جنبو ارض فاضية بيقدر الواحد يصف براحتو بنصح الكل يجربوه
  • Review by ديمة of قاعة فندق برستول
    قبل 9 سنوات
    من اروع القاعات الي شفتهم بعمان
    مرتبة وتوزيع الصوت فيها رائع يعني بتزبط لعرس وبتزبط لحفلة موسيقى ولمسرحية وهيك شغلات كبيرة وواسعة وترتيب الطاولات فيها رائع حتى الاعمدة الي فيها مو عبئ يعني بيقدر الواحد يرتب امورو حواليهم سعرها معقول جدا بالنسبة للكادر الي بشتغل فيها ومدخلها منيح من الموقف على طول عالقاعة ما بتمشي كتير
  • Review by ديمة of بروسكيتا
    قبل 9 سنوات
    مطعم روعة والاكل عندو زاكي كتير
    ازكا شي الدجاج مع الكريمة والخضار اسعارو معتدلة بس بصراحة ما عمري قعدت عندو دائماً باخد اكل وبطلع او بطلب دليفري من روم سيرفيس بشجع الكل يزوروه ويجربوه
  • Review by ديمة of بورت سيتي جافا
    قبل 9 سنوات
    المحل منيح مكانو وقعدتو مريحة بس الفطور عندو مو بزيادة
    الكوروسان ناشف كتير وفي كتير احسن منو. بس بضل قعدتو مريحة وبنصحكم تجربوه والقهوة عندو زاكية في مكان للاصطفاف قدام المحل في مواقف
  • Review by ديمة of أبل بيز
    قبل 9 سنوات
    المكان رائع وفيه مكان للمدخنين ولغير المدخنين
    اسعارو اغلى من غيرو بس كل شي عندو زاكي من الهمبرجر للستيك بحب السيزر سلاد والآيلاند سلاد عندو الآيس تي زاكي كتير وجربت كمان السموثي الفراولة كمان زاكي كتير في عندو اماكن اصطفاف خاصة فيه مافي صعوبة الواحد يصف والناس الي بشتغلوا كتير مناح ولطيفين بشجع الكل يزوروه وخصوصا الي بشتغلو بوقت الغدا في عندهم شي اسمو busy bee يعني بقدموا الغدا بسرعة حتى الناس ترجع على شغلها.
Next

أماكن أفضلها