ديمة عابدين

ديمة عابدين

عمان . منذ يونيو 2010
83 من المراجعات
الأماكن المضافة
32
مراجعاتي
83
أماكن فضّلتها
12

مراجعاتي

  • Review by ديمة of راس بيروت
    قبل 10 سنوات
    محل رائع وفي الو فرع بالويبدة هو الي جربتو وبنصح الكل يجربوه كتير معجناتو زاكية ونظيف المحل، واسعارو معتدلة بالنسبة لحجم المعجنات وانها بتشبع
    الاصطفاف عندو صعب بالفرعين يعني انت وحظك
  • Review by ديمة of جوستي ايس كريم و قهوة
    قبل 10 سنوات
    البوظة زاكية بس اروع شي عندو الاوريو ميلك شيك والافتر إيت ميلك شيك رهيبين ونهاية رائعة ليوم شغل صعب :) بزكروك أنو بالدنيا في شغلات حلوة لسة
    الي بشتغلوا كتير محترمين وكرماء دائماً بضيفوك شي وانت بتستنى طلبك. اسعارو كتير مناسبة بس الاصطفاف عندو صعب مرات ما بكون في مكان. بشجع الكل يجربوه
  • Review by ديمة of شوغر داديز
    قبل 10 سنوات
    اليوم جربتو لاول مرة في عبدون، والمحل رائع
    الcup cakes رائعين وخفيفين جربت الاوريو والكتكات وجربت الpeanut butter cookie كمان كتير رائعين ولذيذين الاسعار كمان ماشي حالها يعني الcup cake الوحدة بدينار ونص وال12 ب15 دينار بس بستاهلوا والكوكي بدينار الوحدة وكمان بستاهلوا اكيد بنصح الكل يجربوه
  • Review by ديمة of فندق هيلتون
    قبل 10 سنوات
    فندق رائع وفخم جدا ومرتب ونظيف، مطل عالبحر ومتعاونين جدا الموظفين فيه وراقيين جداً.
    بصراحة بشجع كل واحد بدو يدلل حالو يروح هناك بس مش رخيص طبعا الهيلتون معروف ما بدو مين يحكي عنو
  • Review by ديمة of زعتر و زيت
    قبل 10 سنوات
    محل رائع لفطور او لعشا او حتى لقعدة بعد الشغل
    اسعارو بالنسبة للخدمة وللاكل معتدلة ومنيحة اذا الواحد بيطلع على الجودة قبل الكمية الي بشتغلو بالمحل كتير لطيفين والمحل دائماً نظيف وفيه خدمة فاليه كمان بشجع الكل يزوروه ويجربوه
  • Review by ديمة of واتر ليمون
    قبل 10 سنوات
    مكان احسه متكامل من حيث الديكور والنظافة والخدمة وجودة الأكل والأسعار
    وطريقة تقديمهم للأكل مره رائعة والمشروبات كفاية بس تتفرج عليها ههههههههههه شكلها خطير يصراحة انا عجبني مره وانا من الناس اللي مو اي شي يعجبني شكله راح ازوره قريب +1
  • Review by ديمة of كورال بيتش
    قبل 10 سنوات
    رائع ومناسبة للجميع الأماكن فيها رائعة وبشجع الكل يزورها وخدماتهم روعة
    قريبة من كورنيش جدة تقريبا 10 دقائق بينهم
  • Review by ديمة of صاج حارتنا
    قبل 10 سنوات
    بعرف اني كتبت تعليق عن المكان بس اليوم تغير رايي تماما فيه...بصراحة كتير تراجع هالمحل
    اليوم اجى على بالنا بالشغل صاج ويا ريت ما رحنا...أخد معو 4 سندويشات نص ساعة لجهزوا والشباب الي بعملوا الاكل كانوا يتسلو ويتمسخروا ويضحكوا بدل ما يشتغلوا يعني ضيعولنا وقتنا عالفاضي... بصراحة هاي اخر مرة بفكر اكل من عندهم راح الاقي صاج تاني...
  • Review by ديمة of كويك ميل
    قبل 10 سنوات
    من اروع محلات الدمام والاكل عندو كتير رائع
    بشجع الكل يزوروه واسعارو معتدلة جدا ومعقولة بس حظك منيح ان بتلاقي محل تقعد بس لما تقعد الخدمة منيحة كتير
  • Review by ديمة of الفيلاجيو
    قبل 10 سنوات
    مجموعة مطاعم روعة اسعار عادية ومميز وبيحتار الواحد اي مطعم يجرب من المطاعم الستة الرائعة
    بشجع الجميع يزوروه ما راح يندموا
  • Review by ديمة of نيل بوتيك
    قبل 10 سنوات
    مكان رائع، موقعو جميل جدا والإطلالة منو بتريح الاعصاب
    الموسيقى الي بالمحل رايقة كتير وبتساعد على الاسترخاء والبنات الي بشتغلوا كتير لطيفات ومتعاونات المحل جديد وبشجع البنات كلهم يجربوه في صفات للمجمع الي فيه المحل
  • Review by ديمة of كرمز
    قبل 10 سنوات
    المحل حلو الصبح كنت احب افطر فيه زمان ايام الجامعة او بالعطلة واسعارو منيحة بالنسبة لباقي المحلات
    في عندو محل للصفة مافي مشكلة وموقعو سهل يوصلوا التكاسي يعني مافي مشكلة بالمواصلات بشجع الكل يزوروه الصبح المسا بصير في طلاب وصغار
  • Review by ديمة of هامليز
    قبل 10 سنوات
    محل العاب رائع واسعارو بتتراوح من رخيص لغالي حسب شو بيطلب الواحد ومقسم حسب أنواع الألعاب
    بصراحة انا باخد من عندو puzzles ال1000 قطعة وعندو تشكيلة رائعة بنصح الكل يزورو عندو خدمة اصطفاف وعندو فعاليات حلوة للاطفال
  • Review by ديمة of حدائق الحسين
    قبل 10 سنوات
    مكان جميل جدا وممتع بروح احيانا بقعد بالكوفي شوب الي هناك او بس بوقف بالسيارة قريب من المتحف...ومتحف الاطفال كمان ممتاز وفكرة جديدة بعمان بشجع الكل يزور الحديقة والمتحف
  • Review by ديمة of جافا يو
    قبل 10 سنوات
    بصراحة اليوم زرتو واعجبني جداً
    اسعارو معتدلة جدا والموظفين كتير بشوشين ومتعاونين وذوقهم كمان مرتب وزاكي عندو ارجيلة كتير زاكية المحل فيه قعدة برة وفي جوة بس برة كانت كتير عجقة لانو خميس. والحلو بتقدر تروح بدون حجز بتلاقي محل في موقف للمحل وفي فاليه بشجع الكل يزوروه ويجربوه
  • Review by ديمة of مايكرو ام سي إي لخدمات اللابتوب
    قبل 10 سنوات
    بصراحة محل ما عليه كلام، يعطيهم العافية الشباب ما بقصروا والمهندس منير متعاون جداً جداً مع زبائنه
    أنا ما بصلح إلا عندهم ومستمرة معهم من شي 5 سنين وما عمري طلعت بالنهاية الا راضية بشجع الكل يتعاملوا معهم ويجربوهم هم متخصصين باللابتوب مو بالديسكتوب
  • Review by ديمة of مافي جينز
    قبل 10 سنوات
    المحل أول ما فتح اسعارو كانت كتير معتدلة وبضاعتو كتير مرتبة...زرته قبل فترة ضارب الاسعار ب2 وب3 طيب ليه؟؟؟ نفس البنطلون بس بسعر أغلى...يعني صار متلو متل غيرو
  • Review by ديمة of تي جي أي فرايديز
    قبل 10 سنوات
    this is a very good restaurant, I really recommend it for everyone, the food is great and the drinks are very tasty.
    it is a little pricey but it's totally worth it.
  • Review by ديمة of بوبايز
    قبل 10 سنوات
    بصراحة المحل مخيب للأمل كتير وكتير تراجع عن زمان
    زرته الخميس الماضي وكان أسوء غدا باكلو من فترة كتير طويلة وقررت بعدها انو هاي اخر مرة بدخلو الكمية صغيرة جدا ومش متوافقة أبداً مع السعر الماش بوتيتو ابدا مو طيبة وما بتتاكل... والجاج صغير كتير ومش مستوي وكلو زيت بفضل كتير lee's عليه
  • Review by ديمة of فرايديز
    قبل 10 سنوات
    مكان ما عليه كلام الستيك فوق التوقع وكل شي عندو رائع بنصح الجميع يجربوه بس اسعارو شوي اغلى من غيرو
  • Review by ديمة of زين للاتصالات
    قبل 10 سنوات
    شركة مميزة بخدماتها وشبكتها وانا خطي الرئيسي زين، بس للاسف تغييراتهم مادية ومكلفة، يعني انا صرلي من لما طلع اشتراك زين 5 مشتركة فيه (طبعا قبل هيك كتير مع زين) وهلا اضطريت اغير ارقام السوبر، اكتشفت انو دينارين لتغيير كل رقم...والله كتير
    بس بضل شركة الها مميزاتها ما بفكر اغير عنها
  • Review by ديمة of باستيش كافيه
    قبل 10 سنوات
    بصراحة محل حلو اليوم جربته
    شربة عندو espresso malt لذيذة جداً ومو تقيلة اسعارو طبيعية يعني معدل 3 دنانير الشخص للمشروبات الأكل عندو لاحظت مو غالي كتير المشكلة انو الصوت عالي لانو بالمول وعجقة كان المحل يمكن لانو يوم عطلة بس بشجع الجميع يزوروه هو بالطابق الثالث بالمول
  • Review by ديمة of أورانج للاتصالات
    قبل 10 سنوات
    انا ما بحب هاي الشركة نهائياً للأسف مضطرة للانترنت معهم لانو اهلي بحبو خدمتهم بس بالنسبة الي هم شركة كتير سيئة بالتعامل مع الزبائن.
    بيقطعوا الخط بدون إنذار يعني شو راح يأثر لو يتصلوا يقولو خلال 24 ساعة راح ينقطع الخط...متل ما بتعمل زين مع التلفون بتمنى لو تتحسن خدماتهم وتواصلهم مع الزبائن
  • Review by ديمة of سبايس جاردن
    قبل 10 سنوات
    مكان رائع بصراحة والغد فيه ممتاز
    اسعارو بالنسبة لاكلو معقولة جداً والبوفيه عندو مختلف عن غيرو بشجع الجميع يروحو بس يحجزوا بالأول عشان يضمنوا المكان
  • Review by ديمة of تشيلي هاوس
    قبل 10 سنوات
    المحل ماشي حالو بس كطعم انا بفضل تشيلي وايز أكتر.
    أسعارو منيحة والي بشجعني عليه انو عندو إي-بوينت بيعمل ديليفري بس للأسف ما عندو شي حلو ممكن الواحد ياكلو بعد الوجبة أو حتى بس كتسلية يعني اذا بتروح لازم تاكل وجبة
Next

أماكن أفضلها