رئيف صالح

رئيف صالح

أبوظبي . منذ مايو 2011
بحب الحكي والنقاش، وبدق على التفاصيل
75 من المراجعات
الأماكن المضافة
2
مراجعتي كانت الأولى
16
مراجعاتي
75
صوري
1
أماكن فضّلتها
2

مراجعاتي

  • Review by رئيف of بريسكيت
    قبل 4 سنوات
    المحل صغير وفي قعده عالكاونتر و كم طاولة صغيرة. جربت عندهم البرغر وسندويشه اللحم المدخن وكانو زاكيين. الصوص تاعهم زاكي وما ببالغو فيه زي بعض المحلات. سعره غالي نسبيا، يعني الوجبه بحدود ١٠ دنانير. الخدمه كانت لطيفه وما طولو كثير بس برضو لما رحنا ما كان ازمه.
  • Review by رئيف of ديميتريز كوفي
    قبل 4 سنوات
    في مكان للاصطفاف في الشارع، المحل مش كبير بس في عدد جيد من الطاولات في القعدة الخارجية ومش متأكد اذا في قعدة جوا أو لا. رحت المحل مرتين وفي المرتين كان تعامل الموظفين لطيف. المحل خدمة ذاتية، بتطلب وبتجيب طلبك لما يجهز. في أول مرة شرحولي عن أنواع القهوه وصراحة استفدت معلومات ما كنت عارفها. بنصح تجربو القهوه بطريقة التحضير اليدوي البطيء. القعدة لطيفة وحلو عنده انه في ميه شرب عادية ومش ضروري تطلب ميه معلبة. عنده برضه قطع حلويات، جربت اشي منهم وكان زاكي (كاراميل شيزكيك). المحل بيبيع قهوة برضو.
  • Review by رئيف of رومي كوفي بار
    قبل 4 سنوات
    المكان صغير بس شكله مريح، في جوة قعدة صغيرة وفي كم طاولة برة عالرصيف. بما انه الدنيا كانت برد فكان في دفايات برة. في برضو مكان جنب مجاور للمقهى بس مش موصولين ببعض فيه برضو قعدات بس احلى اشي في هاي المكان هو الطاولة الي بنصها نار. المحل اسعاره منطقية ( شاي بدينارين). القائمة حسب ما اذكر عبارة عن مشروبات وفي عنده قطع كيك بس اكثر اشي عجبني موضوع الكستنا. ممكن تشتري كيس كستنا بدنيارين وتشويه عالنار اللي بنص الطاولة. تعامل الموظفين لطيف جدا وبتحس انك مش بمكان غريب. جربت عندهم شاي لاتيه و شاي مغربي وكانو كويسين. اكيد ممكن ارجع عالمكان مرة تانية.
  • Review by رئيف of دا عصمت الايطالي
    قبل 5 سنوات
    The place is small and you are highly advised to book before you go. We actually had a booking but our table wasn't ready on time and we waited for about 15 min. Since the place was so small , we had to wait outside. Luckily the weather wasn't that cold. On the entrance there was an old pasta making machine that gives you the feeling that you are entering an old Italian restaurant. Our table was just next to the door and nearby of the kitchen. The place was noisy and crowded. Smoking was allowed in the restaurant so I do not recommend going there if you don't tolerate the smell of the cigarettes. We were 4 guys and ordered the mango salad for sharing. The waiter served us bread with olive oil and balsamic vinegar ( and some dokka?).The salad was good and refreshing. I ordered a dish that comes with 3 different types of pasta and informed the waiter that I need the plate to be salt free. When the dish was ready, the chef came out telling me that sauce that comes on the tomato pasta was already made and it has salt on it. I felt it was awkward to return the dish now so I took it. They should have told me that they couldn't do it without salt at the beginning so that I can select something else. Anyhow, the pasta dish was ok. The white sauce one was a little bit milky than creamy. The pesto spaghetti lacked the strong flavor. The tomato one had good flavors but was too salt for my taste also it had a taste of burned onion. The portion of the meals were good compared to the price.It's hard to park next to the restaurant but you will be able to find a spot in the nearby streets.
  • Review by رئيف of رومانوز ماكاروني جريل
    قبل 6 سنوات
    I tried this place for the first time. the place was full since it was Saturday. We had a Pepperoni pizza and a Grilled Chicken With Portobello Mushroom. The pizza was very good but the other dish was not. I don't know if it's supposed to be like this or not, but it felt like something that came out of a single guy kitchen. The prices are a little above range. the service was fast and the staff were good. I liked the hot bread they offer you as a starter.
  • Review by رئيف of كافيه حنين
    قبل 7 سنوات
    جربت كافيه حنين لأول مرة اليوم، طلبنا حمص بلحمة وقلاية بندورة و فلافل ولبنة كرات و شاي. الأكل كان زاكي وشكله نظيف والكميات لا بأس بها مع انه الصحون بتبين صغيرة. قائمة الطعام شرقية وفي كمان بكونو كاتبين على لوح أطباق اليوم، ما قرأت كل القائمة بس مثلا انبهت انه كان في اليوم شوشبرك. المحل مرتب وديكوره لطيف. الموظفين لطفين بس زي كم تعليق هون شكلهم ما بحفظوا ايش الزبون بحكي، يعني واحنا بنعطي الشب الطلبات نسي 2 من 5. المطعم بقدم خبز طازج من المحل، بس مش كثير بكونوا مركزين انه الخبز خلص أو لا فانت لازم تطلب مع انه اليوم المكان ما كان فيه الا كم طاولة عليها زباين. المحل لا يقدم مشروبات روحية حسب علمي والتدخين مسموح بما انه اصلا عنده أرجيلة. الأسعار نسبيا زيه زي غيره ويمكن أرخص من المحلات اللي زيه. الموظفين لطفين والخدمة كانت سريعة الا لما طلبنا الحساب ، طلبنا من 3 موظفين الحساب لجابوه وطلع حوالي 15 دينار للطلبات اللي ذكرتها فوق.
  • Review by رئيف of ووكس اند كومباني
    قبل 8 سنوات
    It's not my first time to visit Wox, I used to go there on a monthly basis. The place has seen some changes and one of them introducing Sushi section. This time I visited the restaurant with Jeeran as a part of cook and eat gathering. I had a chance to roll a Maki roll ( Like this http://www.youtube.com/watch?v=StqpCHZwkSw) and the chef was kind and educational even with the amount of rice that I've wasted. I also tried making an Indian off the menu sweet . The service that day was great, and they offered us variety of Indian dishes that included Chicken Masala, Hayder Abad beef , Butter Chicken, Byriani & Ginger rice alongside with Samosas ( Meat and vegi) and also a crab salad that was good and different . All the dishes tasted good. Wox doesn't offer alcohol, it has smoking and non smoking areas ( as far as I know) and its prices are a bit on the higher side.
  • Review by رئيف of نستلة تول هاوس كافيه
    قبل 8 سنوات
    جربته يوم الثلاثاء الماضي، كان المول رايق الصبح. أخدت لاتيه حجم عادي، بس طلع الحجم العادي كبير كثير. طعمه منيح. الخدمة ذاتية، الموظف اللي على الكاش عادي لا انه لطيف ولا دفش. مع انه مكتوب انه اذا الموظف ما أعطاك فاتورة بكون مشروبك مجانا، الموظف ما أعطاني فاتورتي الا لما طلبتها، هاي المشكلة بتكون بكثير محلات قهوة في عمان. بالنسبة للديكور والترتيب فالمحل لطيف ومناسب لمحل قهوة.
  • Review by رئيف of جست فلافل
    قبل 8 سنوات
    جربت سندويشة صاج كلاسيك، كانت عادية، يعني مافي اشي مميز. والسعر للساندويش مش مناسب. المحل شكله نظيف ومرتب والمنيو شكلها برضو حلو. الموظف كان تعامله ممتاز. بس بالنسبة الي ما في اشي كان مميز في الطعم حتى ايبرر السعر المرتفع فما أتوقع ارجع اجربه كمان مرة.
  • Review by رئيف of مردكوش
    قبل 8 سنوات
    المحل ديكوره غريب شوي، سقفه كثير عالي، ممكن تحبه وممكن ما تحبه. ألوان المحل أخضر وبني وبالنسبة الي حسيته لطيف ومناسب. في قعدات بالطابق الأرضي والسفلي عند المخبز. صرت رايح المحل 5 مرّات وبالنسبة إلي بعتبره حاليا من أحسن المطاعم في الأردن. قائمة الطعام متنوعة كثير، في عربي وأجنبي وأنا بس جربت العربي، كل اللي جربته كان زاكي، من منسف وكبة لبنية، جاج مشوي على الفحم، شاورما ، تبولة ومناقيش جبنة. طريقة تقديم الطعام لطيفة كمان. الكميات أكثر من كافية ووقت الخدمة كان مناسب. المشروبات زاكية وبرضو كمياتها أكثر من كافية جربت سموثي فراولة و عصير برتقال طبيعي.حلوه عنده طريقة تقديم الشاي، صنية وابريق مرتب. الموظفين لطفين ومشرف الصالة لطيف وخدوم وبثالث زيارة ظيّفنا تحلاية . بشكل عام المحل مريح وبنراح لعشا أو غدا، جربت أروحه فطور بس لسا شكله ما عندهم موعد محدد للفطور. المحل ودورات المياه فيه نظيفة، وفي فريق من الموظفين بس لتنظيف المحل. أمكان الاصطفاف متوفرة بره وفي ساحة جنب المحل برضو وفي خدمة اصطفاف. الأسعار كثير مناسبة للخدمة والكمية والجودة والطعم. بنصح بالمنسف والجاج المشوي على الفحم. بتمنى التوفيق للمحل ولموظفينو. صح الأسعار مش كثير فاكرها، بس يعني معدّل 12-13 على الشخص بطلع ، مقبلات وطبق رئيسي ومشروب. المنسف حسب ذاكرتي 6 ونص على المنيو.
  • Review by رئيف of مطعم أومامي فيوجن
    قبل 8 سنوات
    I went there once last week to have dinner. The place is nice and clean. Lighting was warm and calm, I liked the design of the place and gave me the feeling that I am in an Asian restaurant. We ordered 2 main dishes, 2 appetizers ( I liked the chicken balls ) and one fried noodles, 2 drinks and a bottle of water and the total was around 35 JDs ( I think we got a discount to reach this but I don't remember). All the dishes were good, nothing remarkable or out of this world. The taste was similar to other Asian restaurants but their noodles was great. The portions are good and might be large for some, we couldn't finish the main dishes and the staff put them in containers based on my request. The staff was very good and polite. Most of them were smiling, they gave us a loyalty card to use it towards some discounts in this restaurant and other sister restaurant. I enjoyed my meal there and I will pay them another visit for sure. There is a valet service but I parked in a nearby street.
  • Review by رئيف of بيرغر فيول
    قبل 8 سنوات
    I tried Burger Fuel two times; the first was at this branch. My experience was good on both times. I order the regular burger with fries and soda. The burger was good but what I liked more were the fries, thick and crunchy and their dipping sauce was tasty. The service was good and not slow. Our table wasn't clean, but the waitress cleaned it as soon as possible. From the few burger places that I tried during my visit, this place was the best.
  • Review by رئيف of فيرجن ميغاستور
    قبل 8 سنوات
    المحل بتكون من أكثر من قسم، الكترونيات وبشمل كمبيوترات ، موبايلات ، أنظمة ألعاب زي PS3 Xbox ، منتجات شركة أبل، وملحقات كل ما سبق. برضو في ألعاب بلاي ستيشن وأكسبوكس وغيرها. القسم الثاني الأغاني و الأفلام (DVD و Blueray ) ، في قسم للكتب معظمه أجنبية وفي شوية عربي ، القسم الأخير قسم الهدايا والأشياء الصغيرة بحتوي على أشياء زي تيشيرتس، مغ، ألعاب صغيرة وboard games
    المحل مرتب، وفي موظفين منتشرين بشكل كويس. أسعاره بحسها معتدلة الى غالية حسب القطعة. عنده تشكيلة منيحة من الأفلام والمسلسلات الأجنبية، ومرات بعمل تنزيلات منيحة، يعني مرة عمل تنزيلات زمان وصل سعر الموسم الأصلي الواحد من مسلسلات زي سايتفيلد ل15% من السعر. يعني كان في ديفديات أفلام برضو ب3 دنانير وسعره الأصلي 18 بدون تنزيلات ، أسعار هيك أشياء كثير غالية. كل اشي ضمن DVD CDs والكتب مصنف أقسام فرعية زي مثلا كتب أطفال أو كتب مساعدة ذاتية. ما بعجبني فيه انه صعب اتجرب تسمع لسيدي، أكثر من مرة حاولت، الموظف بحكيلي انه هاد السيدي مش موجود منه تجربة، كنت أروح على محلات من نفس المستوى برة، ممكن اتجرب أي سيدي بس تعمله مسح للبار كود على الجهاز. الموظفين تعاملهم لطيف بس بحس انه ما بتركوك بحالك، يعني مفروض ايكونوا قراب مني اذا احتجتهم مش يفرضوا حالهم علي، بس هاي مشكلة موجودة بمعظم محلات الأردن. من زمان ما عمل تنزيلات مغرية، واخر مرة دخلته كان كاتب انه في تنزيلات لغاية 75% على الكتب بس لما دخلت، ما كان في الا شوية كتب عليهم تنزيلات، يعني ما بستاهلوا الاعلان بره. بس تشكيلة الكتب اللي عندهم منيحة.
  • Review by رئيف of كرش اكسبرس
    قبل 8 سنوات
    المحل جربته من فترة قريبة، والدي شاف نشرة اعلانية للمحل كانت مرفقة بجريدة الغد مع خصم 25% فحكى جيب خلينا انجرب :) بقدم طبعا كرش وكوارع وكمان أكلات تقليدية زي دوالي، يلنجي ، شيشبرك ، بط ، ديك رومي ، حمام محشي وأشياء غير هيك.
    المحل موجود عند اشارات البشيتي وعنده مصفات قدامه وطبعا حسب الأزمة، لانه الشارع كله محلات ومطاعم. الموظف اللي كان على الكاش لطيف وخدوم. أخدنا من عنده ورق دوالي وكرشات وفوارغ. كانوا ممتازين ، والدوالي منيحة كثير بالنسبة لمحل مش بيت يعني ملفوفين مرتب وصغير. المحل شكله مرتب ونظيف وجديد، في عنده خدمة تواصي. المشكلة بالنسبة الي بالسعر، حسيته كثير مبالغ فيه، يعني الدوالي، الربع كيلو بخمس دنانير، يعني يادوب بيجوا 20 حبة أو بهل حدود، يعني اذا بدك تشبع بدك نص كيلو يعني 10 دنانير، وكمان بيجي الأكل بدون اشي جنبه، يعني لا سلطة ولا لبن . نص كيلو الفوارغ أو الكرشات المشوي ب 7-7.5 (صراحة ما بعرف كيف أسعار المحلات التانية) بس يعني ما بعرف كيف كيلو الدوالي أغلى من كيلو مشاوي :S لو السعر منطقي أكثر، بكون المحل جيد جدا لانه ما عندي اعتراض على الطعم والخدمة.
  • Review by رئيف of مطعم كيوي
    قبل 8 سنوات
    كيوي هو مطعم وجبات سريعة وكوكتيل صغير، في يمكن طاولة للقعدة، فمعظم البيع سفري. المحل بقدم سندويشات زي اللي بتلاقيها بمعظم محلات السناكس اللي بشارع المدينة زي أفوكادو مثلا، الساندويشات جربتها مرة، ما كانت مميزة، انه منيحة بس عادي مش اشي يجي على بالي، وبس جربت الساندوش أول ما فتح، ما بعرف هل أيام اذا اتحسن أو لا. الأزكى عنده هو العصائر والكوكتيل أخدت من عنده أكثر من مرة كوكتيل بالغالب، شغلهم مرتب ومنظم، في شوية تأخير. ما لاحظت انه موظف الكاش كشر أكثر من العادة ، يمكن لأنه ما بطول بالطلب( ما بعرف) كنت أشوفه عادي، الموظف اللي بسلم الطلبات لطيف ودايما بحكي صحتين ومبتسم. بعجبني في المحل انه بعمل أشياء جديدة وبكون كاتب عنده اذا في اشي جديد، وبوزع مرات عينات للزباين اللي بستنوا طلباتهم. يعني مرة جربت عصير التوت واخر مرة توت بمن وسلوى والتنين كانوا زاكيين. أكثر اشي باخد منه هو كوكتيل فاخر ( بكون كوكتيل مع قطع فواكه وعسل وقشطة شامية وكاشو) باخد الحجم الصغير حسب ما أنا فاكر ب2.5 دينار وبحسه أكثر من كافي. الأسعار زيه زي باقي المحلات لا بحسه أرخص ولا أغلى. مرة أخدنا سلطة فواكه بايس كريم ، كانت كثير معجوقة ومش مرتبة، والايس كريم المستخدم حسيته مش نوعية منيحة. بعمل عصائر طازجة زي القصب بس ما جربته . المحل في قدامه مصفات يعني 3 أو 4، بأوقات الزحمة بدك ادور على مصف أبعد شوي . أكثر اشي جذبني للمحل صراحة اللافته تاعته، خلتني أحس انه لازم أجربه. عجبني بالمحل، كوكتيل فاخر وعصير ليمون وكيوي، توت، ومن وسلوى.
  • Review by رئيف of شركة بسطامي وصاحب التجارية - نيسان
    قبل 8 سنوات

    ممكن تحجز موعد عن طريق التلفون أو الموقع الالكتروني، وحجز موعد مسبق بمنحك خصم على الأجور والقطع. بشكل عام الخدمة جيدة، الاستقبال لطفين ومتعاونين بس في شغلة بحسها مو منطقية، انه مثلا بتحجز موعد على ال9 بس لازم تكون قبل بهيك لانه الموعد مش كثير مهم، انه لازم تكون هناك وتسلم الرخصة وتستنى. يعني مش معناه انه موعدك على ال9 تيجي على ال9 وتتوقع انه يستلمو سيارتك على 9. مرات كنت أستنى أكثر من نص ساعة بعد موعدي المحدد بس عشان يستلموا مني السيارة عن طريق موظف الاستقبال. برأيي الموع ايكون أوضح، ومن أول ايكون محدد الموظف اللي حيستقبلك، يعني اذا عندهم 5 موظفين استقبال يعملوا 5 مواعيد بس مثلا على 830 و5 على 8:45 مثلا.موظف الاستقبال بياخد كم السيارة ماشية وبحدد الصيانة المطلوبة، وبشرحلك اللي مطلوب واذا في اشي لازم يتبدل بياخد موافقتك عليه قبل اذا مؤكد لازم يتبدل زي مثلا تبديل الزيت والفلتر، بحكيلك التكلفة وبطلب اتوقع او توافق، اذا صار خلال الصيانة وتبين في قطع اضافية بدها تبديل برجعوا للزبون ياخدوا موافقة. طبعا عند الاستقبال ممكن الواحد يحكي أي ملاحظة بده يفحص اشي معين أو عنده مشكلة معينة، ممكن يطلع معك فني ايشوف الملاحظات، بس أنا اخر كم مرة ما كان شكله في فني يتأكد من ملاحظاتي عمليا موظف الاستقبال بحدد وقت تقريبي للصيانة وبسألك اذا حتستنى عندهم أو تروح وترجع لانه بعطوا أولية للي بكون بستنى بالشركة بالنسبة لجودة الصيانة فهي جيدا جدا بشكل عام، يمكن من ال2007 ما رجعت على الشغلة أو الملاحظة نفسها مرتين الا يمكن مرة. الأسعار بحسها منطقية اجمالا، في أشياء مرات بحسها مش منطقية أو غالية زي مثلا قطع الهيئة الأمامية ودسك البريك . أما الاضافات والكماليات فكثير غالية ومبالغ فيها زي مثلا طاسات، وأرضيات مثال أسعار، مثلا البريك الأمامي 45 دينار ، صلحت الهيئة الأمامية ( قاعدة صنوبرص علوية وواقي صنوبرص وغيار زيت وفلتر وفلتر مكيف ) طلع تقريبا 270 أو هيك اشي بعد الخصم. المكلف طبعا كانت قطع الهيئة الوقت مش اكثير فيه التزام ، يعني ممكن أحكي 60% وبحس انه في تأخير مرات مع انه الشغلة بتكون بسيطة قاعة الانتظار:قديمة وكئيبة وتصميمها وأثاثها أبدا ما بتناسب مع شركة ووكيل نيسان وانفينيتي،وسائل التسلية عبارة عن تلفزيون محطوط في زاوية الغرفة ومش كثير سهل انه الواحد ايتابعه،المجلات الموجودة محدودة كثير وقديمة، يعني في مجلة شفتها باخر مرة كانت من 2009، القاعة ممنوع فيها التدخين ومش مهوية بس ما حد بدقق بالموضوع وبتصير الغرفة كلها دخان بفضل الاخوان اللي بدخنوا، يعني أيام الصيف بكون بستنى بره . يعني أتوقع سهل انهم اينبهوا على الزباين انه ممنوع التدخين أو يعملوا مكان للمدخنين بس الوضع زي هيك أبدا مش مناسب للمش مدخن الحمامات بالغالب مش كثير نظيفة وقديمة،الغرفة مش مفصولة عن الموظفين ودوشة الاستقبال في كولر ميه وكاسات وشاي وقهوة بس مش مرتب المكان
  • Review by رئيف of كانتينا
    قبل 8 سنوات
    المحل واسع وبتكون من طابقين وقعدة خارجية . شكله لطيف وفي أماكن اصطفاف بالشارع، طبعا قدام المحل فيه فاليه محتلين الشارع وبياخدو من الشارع على كيفهم بس هاد موضوع تاني.
    المحل اكله جيد بشكل عام بس يعني مو دايما هيك، وجباته كبيرة الحجم، زي البرغر، كان جيد بس مثلا مرة أخدت فاهيتا ما عجبتني، رحت المحل 5 مرات أو أكثر شوي، ممكن أحكي انه سيئ بسبب رئيسي نتيجة سوء خدمة الزبائن وتعامل الموظفين الجلف. ما بروحه الا مع شب صاحبي بحب المحل لأنه كان ايروح عليه أيام ما كان بالشميساني فيعتبر من زباين المحل واله خصم صغير. دائما في تأخير بالطلبات حتى لو ما كان زحمة، وبتحس الموظفين مش طايقين بعض، أكثر من مرة كنت أشوفهم بتداقروا مع بعض وعادي قدام الزباين. الأسعار من عادية لفوق العادي. النظافة جيدة والتهوية جيدة. اخر مرة رحت كان بليلة راس السنة لانه كنا جنب المحل بالسيفوي ، رحنا بالليل والقعدة الخارجية تقريبا 2|3 فاضي، اجينا نقعد ( كنا 3) فالشب بده ايحطنا على طاولة جنب الباب بالبرد فما عجبنا وشفنا طاولة تانية أحسن الشب بحكيلنا كله محجوز، بحكيله ليش بحكيلي عشان الناس بدها تسهر براس السنة، والزلمة بحكي بطريقة زي يعني انه منيح انه أخدت طاولة، طبعا مافي ولا طاولة مكتوب عليها محجوز. المهم وانا بهل نقاش أجا 4 شباب، وقعدوا مكان، بس ما عجبهم فالشب اللي معهم أجا قعدهم على نفس الطاولة اللي كنت بدي أقعد عليها. طبعا كيف محجوزة وعادي يجي عليها ناس أجو بنفس الوقت وأكيد مش محجوزة الهم لانه قعدوا على طاولة تانية أول وبعدين غيروا. فالظاهر انه ادفع عشان تاخد طاولة منيحة أو انه زبون عن زبون بفرق. ما بنصح بالروحة للمحل مع انه ممكن ايكون في مرات منيحة، بس صراحة مش مستعد أجرب حظي مرة تانية.
  • Review by رئيف of أسياد المندي
    قبل 8 سنوات
    المحل كديكور وترتيب مش كثير، يعني عادي جدا وبسيط. يعني لو يمكن مريت عليه وانا ما بعرف عته اشي كان ما اتشجعت أطلب ،، أنا جربته بناء على توصيات أكثر من صاحب الي. بس بعد أول مرة طلبت وجربته صراحة اعتمدته بالنسبة للمندي. الرز كثير زاكي وشكله نظيف والجاج المشوي زاكي. البهارات واستواء الرز ممتاز وما عمري حسيت انه مو زاكي. جربت عنده أكثر من رز بس أنا بحب المندي أكثر اشي وصراحة أسياد فعلا فيه. الكمية كثير ممتازة بالنسبة للسعر والمقارنة مع المحلات اللي زيه. الخدمة سريعة والموظفين لطفين وبحسهم نظاف، يعني ما عمره حطلي الجاج بدون ما ايكون لابس قفاز وأكثر من مرة بشوف الموظف بلبس القفاز بس عشان ايحطلي أنا.
    السعر تقريبا 3 دنانير للوجبة الفردية بيجي معها صلصة حارة ومرق بالخضار . في عندك أكثر من خيار لنوع الجاج حسب طريقة الطبخ مندي ، مشوي ، مضغوط .... . بالنسبة الي بعتبر الرز اللي في وجبة واحدة بكفي اثنين. في عندهم سلطات جربت منها بس خيار بلبن ودايما ياخد منها مع وجبة المندي. المحل في أمامه مكان للاصطفاف على الشارع، بالغالب بلاقي دايما مصف. أكلت مرة واحد بالصالة وكمان كانت الخدمة جيدة. بس بشكل عام بنصح الواحد ياخد منه سفري مش صالة. بنصح المحل يهتم بالصالة أكثر وبشكل المحل ، أتوقع بيجيه زباين أكثر، بس بدون ما ايزيد السعر :) في عندهم خدمة توصيل بس أنا ما جربتها.
  • Review by رئيف of ماسيمو دوتي
    قبل 8 سنوات
    أسعاره مبالغ فيها كثير وحتى بالتنزيلات ما بعمل تخفيض منيح على أشياء منيحة، بكون مثلا خصم 50% على كم قطعة زي مثلا قميص رجالي برتقالي . والمشكلة بره بكون حاط تنزيلات لغاية 50% مع انه معظم الخصم بكون 20%
    الموظفين مش لطفين، وزي بتحس انه شايف حاله انه بشتغل بماسيمو . اخر كم مرة دخلت على المحل حسيت حالي ببسطة مش محل، اوكي موسم تنزيلات بس يعني دخلت أكثر من محل فيه تنزيلات وما كان هيك. الجينز كان معفشك وفوقع قمصان ومش مرتبين حسب المقاس. بعدين الواحد بدفع 50 دينار أو أكثر على جينز بس لازم يبعتولك اياه على خياط عشان ايقصروه، طب ليش ما بجيبوا نمر صح ( طول وخصر ) ؟ هيك العالم بره بشتغل وحتى في الأردن في محلات مش بدرجة ماسيمو وبجيبوا طول وعرض مقاسات. شريت منه بدله من أكثر من 3 سنين وكانت حلوة والجودة تاعتها منيحة. هو عندهم أشياء حلوة بس السعر مش منطقي والتعامل مش منطقي أكثر خاصة مؤخرا.
  • Review by رئيف of مايا لا شوكوليتري
    قبل 8 سنوات
    رحت على المحل الاسبوع الماضي، المحل جديد فتح. الديكور حلو ومعمول من ألوان الشوكلاته ( شوكلاته داكنة، بيضا وبحليب) كل اشي تقريبا بالمحل من هل ألوان. المحل واسع نسبيا وفي عنده قعدة عند الشبابيك. ممكن تدخل المحل من المول أو من بره . أول ما دخلنا رحب فينا موظف، كان كثير لطيف وتعامله راقي. حكيتله انه بدنا انجرب قبل ما نطلب فحكا للموظف اللي ورا الكاونتر انه ايخلينا انجرب اللي بدنا اياه. جربنا عينة شكلاته داكتة ( ما بعرف اذا الها اسم ثاني بالعربي ) كانت مركزة وزاكية. طلبنا اثنين منها و واحد مي صغير. الموظفين الثانين برضو كانوا لطفين . بالنسبة للطعم فهو كان زاكي، ويمكن أزكى هوت شوكلت بشربها بالأردن بس يعني كان مفروض اتكون أزكى. مع انه طلبت دارك شوكلت حسيتها شوي خفيفة ، يعني الحليب أكثر من اللازم وما كانت كثير ساخنة ويمكن شوي حلوة.
    السعر غالي بالنسبة للكمية. يعني الكاسة مو كبيرة، طلع الحساب حوالي 12 دينار لكاستين وميه ( المي كانت أفيان فبرضو عشان هيك غالي) . بنصح بالتجربة لانه كل واحد اله ذوقو بس أنا بحب الدارك شوكلت تكون أثقل وفيها طعم المرارة.
  • Review by رئيف of بافلو وينغز آند رنغز
    قبل 8 سنوات
    رحت مرتين على المحل والمرتين بالمسا، والمرتين نفس الوجبة. همبرغر سادة. البرغر طعمه ممتاز والصلصة تاعت المحل مميزة وزاكية ، وبرضو الكول سلو والبطاطا (ودجز) ومبارح جربت ونجز برضو كانوا مناح. الموظفين لطفين والمحل نظيف ومرتب بتكون من طابقين،الأرضي فيه قعدة خارجية وداخلية والعلوي فيه قعدة بار صغيرة وطاولات كراسي ( يمكن 3 أو 4) ، ديكور المحل حلو ومريح.
    الحمام مرتب ونظيف بس المشكلة انه مافي الا حمام واحد مع انه المحل بياخد عدد منيح من الزباين. المحل طلته حلوة خاصة بالقعدة الخارجية تحت، باليل مع هدوء الدوار الأول والمطر بكون المشهد حلو. السعر مناسب بالنسبة للطعم والكمية والخدمة. الأسعار في عليها بدل خدمة 10% . مافي مكان للاصفاف، بس يعني قريب من الدوار بالدخلات في دايما مكان، في خدمة اصطفاف للمطعم. المحل بقدم مشروبات كحولية وبرضو في عنده لحم خنزير حسب ما أنا ذاكر ( شفت Bacon وما بذكر انه كان مكتوب انه بقري) و منتجات فيها كحول بس بالقائمة موضح هل اشي، يعني صعب انه الواحد يطلب اشي زي هيك بالغلط.
  • Review by رئيف of وزاب دوغ
    قبل 9 سنوات
    اليوم جربته لأول مرة، وصراحة مو زي ما توقعت، يعني الطعم عادي جدا. من النصائح اللي هون حسيت حيكون اشي مميز. الخبز كان مش كثير فرش ، والهوت دوغ نفسه برضو عادي ، مافي اشي مميز. الاضافات متنوعة. بس أنا شخصيا ما بحب الا المخلل والماسترد وكانوا متوفرين. المحل شكله نظيف والموظفين لطفين. مافي مصف، ممكن الواحد ايصف بالشارع ( مش متذكر اذا ممنوع أو لا) . المحل صغير وفيه كم كرسي. السعر بعتبره غالي لانه الساندوش صغيرة، يعني لو واحد جد بده يشبع، ساندوش ما بكفي. ما كان أزمة لما رحت، بس أكثر من مرة كنت أمر جنبه ايكون كثير زحمة، فما بطلب.
  • Review by رئيف of بغاجاتي
    قبل 9 سنوات
    زرت المحل أكثر من مرة وكان جيد بكل مرة، المحل صغير ومش للقعدة، مرتب ونظيف. الموظفين لطفين وتعاملهم جيد وسريع. جربت من عندهم حلاوة الجبن حسيتها مش دسمة وزاكية. في أشياء ثانية جربتها بس مش فاكر ايش بالزبط. بس بشكل عام ما بتحس انه حلوياته دسمة بشكل مبالغ فيه.
    في مصفات أمام المحل بس المنطقة شوي زحمة فممكن الواحد ما ايلاقي مكان جنبه. أسعاره منطقية.
  • Review by رئيف of كوزمو
    قبل 9 سنوات
    بجب أروح عليه اذا بدي كمن شغلة لانه رايق أكثر من السيفوي مثلا، بس ما بشتري منه كثير أشياء لأنه سعره مش منافس، يعني ممكن الواحد ايروح على كارفور أو فود سيتي أحسن اذا كان بده يشتري أغراض كثير. المحل مرتب، ونظيف. فيه منتجات متنوعة وبركزوا برضو على المنتجات المستوردة ، يعني في مثلا وجبات وخبز مستورد من أمريكا وأشياء ما بتكون متوفرة بكل المحلات. المحل ببيع كحول ولحم خنزير وفي منتجات مجمدة( وجبات مجمدة أو كيك جاهز) بكون فيها منتجات خنزير بس بكون محطوط على العلبة تنبيه على هيك. المخبز منتجاته زاكية، بحب خبز الطابون وحمام النخالة وكريسينا نخالة، ومرة أخذت معمول كان منيح برضو. الملحمة جيدة وبرضو قسم الخضار والفواكه. المحل اله بطاقة خصومات (ذا كارد) من فترة لفترة ممكن يعمل عروض وممكن يبعتوا مسج بالعرض . في صيدلية فارماسي ون بالمحل عند المدخل الرئيسي. أسعار كوزمو بشكل عام أعلى من سي تاون وكارفور ومرات بفرق بنسبة جيدة بنفس المنتج. من المحل ممكن تروح على BHS و SmartBuy وباقي المحلات في المجمع، هاي النصيحة بس لسوبرماركت كوزمو بما انه المحلات الثانية موجودة بشكل مستقل على جيران.
    في مصفات خارجية وتحت الأرض وخدمة اصطفاف. الموظفين بشكل عام جيدين بس كنت أحس التعامل كان أحسن زمان، بلشت أحس انه الموظفين مش كثير مدربين ومش بلباقة زمان. ومرات بكون في موظفين قاعدين بره عند المدخل بطريقة مش مريحة، مفروض ايكون في استراحة مخصصة الهم.
  • Review by رئيف of جي بي سي كافيه
    قبل 9 سنوات
    المحل دخلته مرتين، مرة يمكن أيام كأس العالم حضرت مباراة واخر مرة مع طلعة جيران وبالمرتين ما حبتيه. المحل كثير كبير وصالة واحدة، وكل ضجيج الناس بكون معك. صح واسع والطاولات ابعاد عن بعض بس برضو مزعج. الخدمة عادية أو أقل، كاستي كانت مش نظيفة. طبعا المحل مع انه كبير وواسع بس مافي مصفات للزباين الا عن طريق الفاليه، أنا مع توفير خدمة الفاليه للي بده بس لازم المحل ايوفر محلات مجانية للزبائن لانه أنا ما بحب أعطي سيارتي لحد لأنه موظفين خدمة الفاليه بشكل عام ما بهتموا بالسيارات. المهم أنا كنت صاف جنب المحل، مصفات محلات مجاورة، مع هيك لما اجيت أطلع كان مسكر علي بسيارة صافها موظف الفاليه، ولما أجا وشالها كان مش لطيف أبدا. ما أتوقع أرجع للمحل مرة ثانية.
Next

أماكن أفضلها

    صور أضفتها

    A pasta dish with 3 types.